Este xoves entrega do premios do Certame Relación Home/Muller 100% positiva

Este xoves, 2 de decembro, ás 19h no Parador Nacional de Turismo “San Telmo” de Tui terá lugar a entrega de premios do Certame Fotográfico “Relación Home/Muller 100% positiva” convocado pola Concellería de Muller.

Este xoves entrega do premios do Certame Relación Home/Muller 100% positiva
Inés Salvado foi a gañadora do Concurso. Segundo foi José Luís Puértolas

A lista de gañadores deuse a coñecer o pasado xoves, 25 de novembro, na inauguración da exposición dos traballos participantes. O primeiro premio foi para Inés Salvado de Santiago de Compostela pola súa fotografía “Man a man”. O segundo premio na categoría de adultos correspondeu a Jose Luís Luque Puértolas, residente en Tui, por “O devalar do tempo” e o terceiro premio foi para a fotografía “Sementando igualdade” da viguesa Mª del Rosario Fernández Cabaleiro.

Na categoría de menores de 18 anos o primeiro premio foi para “Un brindis por toda unha vida” de Ana Fernández Piña e o segundo para “Tuiyo” de María Croques Gontad, ambas de Tui. Xa na categoría de centros escolares o primeiro premio foi para o IES San Paio seguido do CRA Mestra Clara Torres e do CEIP nº2.

A exposición destas fotografías pódese visitar ata este xoves na Sala de Exposicións Municipal na Área Panorámica.

1º Premio

Rafting - Mozos e Mozas Fan Equipo

Xornada técnica de yamaha no conservatorio de música

XORNADA TÉCNICA DE YAMAHA NO CONSERVATORIO DE MÚSICA

O vindeiro día 4 de novembro de 16:30 a 21:30 vaise celebrar unha xornada técnica de Yamaha, a cargo de Emilio Martínez, nas dependencias do Conservatorio.

A programación será a seguinte:
- Charla sobre a fabricación e mantemento de instrumentos de vento metal e madeira
- Taller de axuste básico para instrumentos de vento madeira.

Poderán participar a partir dos 8 anos.

A entrada é gratuíta e o aforo é limitado polo que deberán inscribirse con anterioridade ben por teléfono 986.60.44.04 ou ben na oficina do Conservatorio.

Talleres de Coeducación

Contra a Violencia de Xénero

Co gallo da celebración do día 25 de NOVEMBRO, Día internacional contra a violencia de xénero, a Concellería da Muller do Concello de Tui pon en marcha a 3ª edición do concurso fotográfico, HOME/MULLER 100% + e a actividade lúdico-deportiva, MOZOS E MOZAS FAN EQUIPO.

• CONCURSO FOTOGRAFICO HOME/MULLER 100% +

A temática do concurso quere facer fincapé na relación entre a muller e o home, resaltando dunha forma positiva a relación de parella, amizade, convivencia no traballo. . . e dicir, en todos os ámbitos da vida.

No concurso poderán participar todas as persoas físicas maiores de 18 anos residentes en España, sen importar a súa nacionalidade, e nunha categoría especial, as persoas menores de idade que conten con consentimento expreso dos seus titores Legais.

Para mais información das bases do concurso consulta a web www.conceIIotui.org ou chama ao teléf. 986.603625 (Ext. Servicios Sociais).

• MOZAS E MOZOS FAN EQUIPO

Esta actividade consta dun descenso por un tramo do río Miño, de dificultade medio-baixa. O descenso polo río farase en rafting e as embarcacións serán mixtas. A duración aproximada e dunha hora ou hora e media, tempo ao que hai que engadir dúas horas mais para preparación e traslado ao embarque. Esta actividade ofertarase a todos os institutos do concello.

• TALLERES DE COEDUCACIÓN PARA ESCOLARES

Consurso fotográfico co gallo do día internacional contra a violencia de xénero 3º edición

“RELACIÓN HOME/MULLER 100% POSITIVO”

Participantes , HABERÁ DÚAS CATEGORIAS

MENORES DE IDADE, será necesario contar co consentimento expreso dos seus titores legais tanto para a participación como para o goce dos premios.

MAIORES DE 18 anos residentes en España, sen importar a súa nacionalidade.

Tema

As fotografías deberán adecuarse ao tema e contidos do concurso. O comité organizador do concurso gárdase o dereito de aceptación das obras segundo se adecúen ou non á temática do concurso.

Bases do concurso

Grupo de peregrinos de ASPACE con a Concelleira de Servizos Sociais, Patricia Ricón e o Canónigo Administrador Emérito do Cabildo D Ricardo García

Peregrinos de excepción en Tui : padecer parálise cerebral non é impedimento para que un grupo de homes e mulleres de ASPACE (Asociacion Galega de Enfermos con Parálise Cerebral) comenzansen hoxe o Camiño Portugués a Santiago. A concelleira de Servizos Sociais, Patricia Ricón Alonso deulles a benvidaa Tui e os acompañou durante a visita a S. I Catedral onde recibiron de D Ricardo García Fernández, Canónigo Administrador Emérito do Cabildo a Bendición do Dia.

"Érase unha vez un Camiño" - Campamentos Urbanos - Agosto 2010

Galería Fotográfica

Programa Formativo de Alfabetización Informática da Fundación Galicia Emigración

A Oficina de atención a inmigrantes e emigrantes retornados do Concello de Tui informa da realización dun Programa Formativo de Alfabetización Informática da Fundación Galicia Emigración
A Fundación Galicia Emigración vai desenvolver un Programa Formativo de ALFABETIZACION INFORMÁTICA, onde participarán un total de 225 emigrantes retornados e inmigrantes residentes en Galicia, co obxectivo de proporcionar unha capacitación prelaboral que favoreza a súa inserción laboral e promoción profesional.
DESCRICIÓN
Programa Formativo que capacita para o manexo dun ordenador, obtendo e procesando información e utilizando as funcións básicas do procesador de textos WORD XP.
BENEFICIARIOS: Emigrantes retornados e inmigrantes.
DURACION: A duración será de 25 horas lectivas, que desenvolveranse de luns a venres, 5 horas diarias.
CONTIDOS:
-Introducción. O Sistema Operativo. O Software e o Hardware. (4 h.)
-Primeiros pasos co WORD. (3 h.)
-Crear e gardar documentos. (4h.)
-Escribir, editar e dar formatos. (6 h.)
-Traballar con táboas e inserir documentos (4 horas).
-Combinar correspondencia e formularios (4 horas).

Concello de Tui (Concellería de Servicios Sociais)

Campamento Acuático (cursillo de piragüismo)

Campamento Urbano “Érase unha vez un camiño..”

O Campamento Urbano “Érase unha vez un camiño..”, recorrerá mañá venres día 20 de agosto a zona monumental tudense pola que transcorre o Camiño Portugués a Santiago.

Un total de noventa nenos e nenas, que participan no campamento urbano 2010 que organiza a Concellería de Servizos Sociais de Tui, titulado”Érase unha vez un camiño..”, recorrerán mañá a zona monumental do tramo tudense do Camiño Portugués a Santiago para familiarizarse con el, a partir das 10.30 h .Ademais coñecerán a situación dos Albergues, e farán tamén unha visita o albergue temporal de Santo Domingo, alí serán recibidos pola Concelleira de Educación, Servizos Sociais e Muller, Patricia Ricón Alonso

39 Edición do Descenso Internacional do río Miño e a XV edición da Copa Presidente de Galicia

O Descenso Internacional do Miño, terá comezo este próximo sábado día 14 de 2010 dende Salvaterra de Miño as 18:00 horas. Hay inscritas 354 ambarcacións dun total de 35 clubes, a meirande parte galegos, pero tamén os hai de Portugal e doutras rexións españolas, como Asturias, Navarra e Murcia.

Érase unha vez... Un Camiño - Campamento de Verán 2010

Concello de Tui – Concellería de Servizos Sociais.

O campamento ten como centro de interés o Camiño de Santiago. Por ese motivo durante tódalas actividades crearase un ambiente que recreará unha peregrinación e acercará ós alumnos ó coñecemento dos diferentes camiños así como a cultura que neles se pode coñecer.

Traballarase por grupos de idade, según o desarrollo evolutivo dos participantes. Utilizarase unha metodoloxía lúdica, dinámica e divertida na que se fomentará o traballo en equipo e a cooperación basada en todo momento no xogo e na diversión como método didáctico na que os nenos/as son os verdadeiros protagonistas.

Finalmente tomando como referente “O Camiño de Santiago” fomentarase a integración das actividades no campamento, a utilización das instalacións así como saidas polos recorridos mais próximos á cidade, nos que os participantes interactuarán en moitos momentos cos residentes da vila. Deste xeito os alumnos profundizarán en moitos aspectos seguramente descoñecidos do seu propio lugar de residencia.

Presentación do festival de Jazz

Festival de Jazz. 16,17 e 18 de Xullo

Venres: Actuación do combo de Jazz “Quenllazz” Horario: 20:30 a 22:00h

Sabado: Master Class de Jazz a cargo de Xan Campos(pianista). Horario: 10:00 a 13:30h no conservatorio de Tui Concerto a cabo de Xan Campos Group.Horario: 21:00 a 22:30h

Domingo: Concerto a cabo de alumnos da Master Class. Horario: 20:00 a 21:00h

Xan Campos Group é un trio formado por:

Xan Campos (piano)

Horacio García (contrabaixo)

Iago Fernández (bateria)

Enlace a Páxina do concello

Presentación do curso de Canto Coral

Martes, 13 de xullo de 2010. A sala de reunións do Concello de Tui vai acoller este xoves, 15 de xullo, ás 11.30h a presentación do Curso de Canto Coral que do 19 ao 31 deste mes vai impartir na cidade a Agrupación coral Camerata Ad Libitum.

A presentación correrá a cargo de Julio Domínguez, Director de Camera Ad Libitum, xunto a outros membros desta agrupación, acompañados polo Alcalde de Tui, Antonio Fernández Rocha, xunto aos concelleiros de Educación, Patricia Ricón, e Cultura, Moisés Rodríguez.

Asunto: Presentación do curso de Canto Coral

Lugar: Sala de reunións da Casa do Concello

Data: Xoves, 15 de xullo, ás 11.30h

Enlace a páxina do concello

Prazas Libres Programa Termalismo Social Imserso En Laias Caldaria Hotel Balneario (4 Estrelas).

Prazas Libres Programa Termalismo Social Imserso En Laias Caldaria Hotel Balneario (4 Estrelas).

- Data: 11 al 22 de Agosto

- Réximen de aloxamento e pensión completa para 11 noites.

- Consulta médica.

- Tratamento termal 10 días.

- Actividades de animación tódo-los días (gimnasia, manualidades, xogos, excursións…)

Precio por persoa 11 noites: 438,86 euros

Persoas que poden optar ás prazas: persoas xubiladas que esten cobrando unha pensión.

Para máis información diríxanse ó Departamento de Servizos Sociais do Concello de Tui o chamando ó teléfono 986603625 ext. 54.

Recepción no Concello de nenos saharauís

O Alcalde Feliciano Fernández Rocha e a Concelleira de Educación, Servizos Sociais e Muller Patricia Ricón Alonso, déronlle a benvida ó Concello de Tui a tres nenos e unha nena saharauís no salón de plenos, ademais dun agasallo que consistiu nun paquete de contos. O Alcalde desexoulles unha feliz estancia, e preguntoulles que lles gustaba más de Tui, ó que os nenos contestaron que a piscina municipal. Dende o Concello de Tui felicitamos as catro familias acolledoras, porque sen elas non sería posible esta estancia dos nenos, e facemos extensible a nosa felicitación a coordinadora do proxecto en Tui..

Concellería de Servizos Sociais.

XXI Curso de Canto Coral

XXI Curso de Canto Coral: terá lugar nas instalacións do Conservatorio Municipal de Música de Tui, do 19 ao 31 de Xullo, incluindo un Obradoirao de Interpretación, con ensayos e concertos abertos; actividades previas de Dirección Coral; Coro Piloto; Canto, Técnica Vocal e DirecciónCoral, que organiza o Camerata ad Libitum., baixo a dirección do director e compositor galego Xulio Domínguez, co patrocinio das Concellerías de Educación e Cultura do Concello de Tui, e a colaboración da Escola Municipal de Música de Tui e o Conservatorio Profesional de Grao Medio de Tui e outras institucións. entidades locais , provinciais e autonómicas. Este curso, especialmente destinado a cantores e estudantes de canto, directores ou futuros directores de coro, profesores ou estudantes de música e todas aquelas persoas interesadas en iniciarse ou afondar no campo de Canto Coral. Será impartido por profesionais de contrastada experienciase prestixio internacional, como Xulio Domínguez, Tamara Brooks (USA), e Kevin Smith (U.K).

O mencionado Xulio Domínguez ven de impartir dous cursos relacionados coa coralística en dous importantes centros musicais de España: en maio un Obradoiro de Música Coral no Conservatorio Profesional de Música de Madrid e outro en xuño: de Dirección Coral (nivel medio-avanzado) no Conservatorio Superior de Música de Sevilla, coa colaboración de Universidades e o Coro de Cámara de Sevilla. Mais información e inscripcións: http://www.camerata.es

Campamento Urbano. Concellería de Servizos Sociais

A Concellería de Servizos Sociais abre o prazo de inscripción para o Campamento Urbano, que se leva a cabo durante o mes de agosto. O prazo de inscripción comeza o día 23 de xuño e remata o 2 de xullo, no pavillón municipal, no horario de 9:30 horas a 14:00h.

Para a inscripción é necesario levar :

• Fotocopia da cartilla sanitaria
• Fotocopia DNI do neno/a ou libro de familia
• Fotografía tamaño carnet.
• 10 € da inscripción.

Cheque Infantil. Consellería de educación, servicios sociais e muller

■ Normativa:

Orde do 9 de xuño de 2010 pola que se regulan as axudas económicas para atención da primeira infancia a través do cheque infantil en escolas infantís 0-3 non sostidas con fondos públicos e se procede á súa convocatoria (DOG nº 111 de 14/06/2010).

■ Obxecto:

Axudas económicas para a atención de nenos/as de 0 a 3 anos en escolas infantís 0-3 non sostidas con fondos públicos. Poderá eximirse do límite de idade os nenos con discapacidade física, psíquica ou sensorial susceptibles de integración, logo do equipo de orientación específico, dependente da Inspección de Educación.

■ Axudas:

Cobertura total ou parcial da praza adxudicada. Establecese o custo máximo da praza segundo o horario e servizos nas seguintes contías:

a) Praza ofertada durante 8 horas diarias: 130 €/mes.
b) Praza ofertada durante 8 horas diarias con servizo de comedor: 215 €/mes.
c) Praza ofertada en horario de tarde: 90 €/mes. Enténdese prazas con horario a partir das 15.00 horas durante catro horas.


Enlace a páxina do Concello de Tui (Cheque Infantil)

Concerto de Fin de Curso da Escola Municipal de Música de Tui e do Conservatorio Profesional de Músicia de Tui

Concerto de Fin de Curso da Escola Municipal de Música de Tui e do Conservatorio Profesional de Músicia de Tui

A Concellería de Educación , Servizos Sociais e Muller informa do Concerto de Fin de Curso da Escola Municipal de Música de Tui e do Conservatorio Profesional de Música de Tui, que terá lugar o próximo mércores 26 de Xuño as 20.30 hs no Teatro Municipal de Tui (Edificio Area Panorámica- rúa Colón, 2). As entradas poderanse retirar unha hora antes da actuación nas oficinas do teatro ou durante esta semana nas oficinas da Escola Municipal de Música Municipal e do Conservatorio Profesional de Músicia de Tui. A entrada será gratuita.

PRESENTACIÓN DE LIBROS

A Concelleria de Educación do Concello de Tui informa do acto que terá lugar o vindeiro venres, día 4 de Xuño ás 20:30 horas no Edificio Santo Domingo de Tui.

Presentación dos libros:

"No fío da navalla e outros poemas" de Modesto Hermida, Ed. Ir indo.
"Biografía de Xesús Alonso Montero", de Modesto Hermida, Edo. Ir indo.
"A abella abesullona", de Manuel Janeiro, Ed. Galaxia.

¡Contamos coa túa presenza!

Segundo roteiro poético Letras Galegas 2010

Os días 5, 6 e 7 de maio celebrouse o segundo roteiro poético polos muíños do Río Tripes. Organizado pola Concellería de Educación. Roteiro de auga, de sons e de recuperación das tradicións. A Asociación de muiñeiros do Tripes fixeron posible a degustación de papas de millo e a posta en funcionamento do muíño da Devesa do Medio. Os centros de educación infantil, de educación primaria do concello e as persoas asistentes resolveron os seguintes enigmas:

• Localización do muíño máis grande
• ¿Cal é o motivo de que un muíño teña dúas bocas?
• ¿Qué é a maquía?
• Partes dun muíño
• ¿Qué fai mover as pezas do muíño?
• Ingredientes das papas de millo

Ao remate da andaina recreáronse poemas de Uxío Novoneyra coas melodías de panderetas e gaitas de fondo.


Para ver as fotografías pica neste enlace:


http://picasaweb.google.com/113749779346581708211/EducandoEnTuiPasoAPaso?authkey=Gv1sRgCNy3nsOJgdeTXg#

Primeiro roteiro poético Letras Galegas 2010

O domingo día 2 de maio de 2010 principiaron os roteiros poéticos no Concello de Tui, organizados pola Concellería de Educación e o CRA Mestra Clara Torres para recrear a obra e a vida de UXÍO NOVONEYRA. Este roteiro parte do Centro de Interpretación do Monte Aloia e remata na faia. Durante a andaina resolvéronse enigmas:

• O nome de vexetación e árbores autóctonos


• Cantas veces se salta o regato?


• Localización de un carballiño pequerrechiño que está no altiño do regato.


• As feridas da faia


• O número de polas principais


• Anos que podería ter a faia

Recreando ao poeta disfrutamos dos sons, fragancias, das paisaxes, da vexetación,...

Ao rematar o roteiro as persoas asistentes participaron na lectura de poemas do autor homenaxeado o día das Letras Galegas, UXÍO NOVONEYRA, poeta do Caurel.

Para poder ver as fotografías pica neste enlace;

http://picasaweb.google.com/concellotui

ROTEIRO: A EMOCIÓN DA PEDRA

O DOMINGO DÍA 17 CELEBROUSE EN TUI O ROTEIRO POÉTICO: A EMOCIÓN DA PEDRA. TÓDALAS PERSOAS PARTICIPANTES DISFRUTARON DA ANDAINA E COÑECERON E RECREARON A UXÍO NOVONEYRA CON RECITAL DE POEMAS DO AUTOR E MUSICADOS POLO MESTRE DE MÚSICA DO CRA MESTRA CLARA TORRES, RAMIRO GARCÍA.

DURANTE O PERCORRIDO, OS PROTAGONISTAS, FORON QUEN DE RESOLVER OS ENIGMAS PROPOSTOS. RESULTOU UNHA ACTIVIDADE MOI ATRACTIVA PARA AS PERSOAS ADULTAS E PARA AS NENAS E NENOS.

MARCHA VALENÇA-TUI, INTERFRONTEIRIZA, DOMINGO 23 DE MAIO

O DOMINGO 23 DE MAIO, AS 11 HORAS, TEREMOS UNHA MARCHA A PÉ, EN BICICLETA, PATÍNS,... DENDE A PONTE INTERNACIONAL EN VALENÇA ATA Á MARINA DE TUI. ALÍ PODEREMOS FACER UNHA PEQUENA TRAVESÍA NO CABO FRADERA OU EN PIRAGUA (PREVIO PAGO DE ALQUILER) ATA A PRAIA DAS AREEIRAS.
SERÁ NECESARIO A INSCRIPCIÓN PREVIA PARA PODER RESERVAR AS PIRAGUAS.

ANIMÁDEVOS A PARTICIPAR!!!

Concellería de Educación,Letras Galegas 2010, actividades o día 17 de maio

Para o día 17 de maio a Concellería de Educación e o CRA Mestra Clara Torres fan a seguintes propostas educativas para a cidadanía de Tui:

• creación de cartas e poemas da amizade que serán expostas na Corredera nun panel.
• exposición de ferramentas agrícolas.
• declamación de poemas de UXÍO NOVONEYRA.
• producións poéticas inéditas.

Alumnado dos centros educativos do Concello, animádevos a participar!

Cidadanía de Tui, participade!

3º roteiro poético Letras Galegas 2010

o Domingo 16 de maio ás 11 horas terá lugar o 3º roteiro poético das Letras Galegas que se centrará na EMOCIÓN DA PEDRA.Está organizado e promovido pola Concellería de Educación e o CRA Mestra Clara Torres. Se convida a cidadanía de Tui a participar. se sairá ás 11 horas dende o Arrabal para seguir polo Piñeiro, praza de Fromista, rúa San Telmo, praza da Misericordia, Catedral,...Recreando a UXÍO NOVONEYRA descubriremos a maxia e a emoción da pedra en Tui para que sempre forme parte dos nosos corazóns. durante o percorrido tentarase descubrir os seguintes enigmas:

• escultura dunha virxe nunha edificación non relixiosa.


• un arco conopial da época xudea nunha edificación non relixiosa.


• dovelas dun arco románico nunha edificación non relixiosa.


• dovelas con cabeza de carneiro na fachada lateral da catedral de Tui.


• realización de un xogo: pasar dun lado a outro dun contraforte da catedral situado na praza da Misericordia sen caer.


• significado do escudo de Tui e data do escudo máis antiguo.

As persoas participantes poderán realizar fotografías durante a andaina e expolas en Santo Domingo.

Teremos poemas do autor homenaxeado.

Fotografías 1º Roteiro Poético 2010: faia do monte Aloia.Roteiro do sons, das fragancias.

http://picasaweb.google.com/concellotui